၁။ ပဲဟင်းချက်နည်းများ
ပဲကြီး နို့ဆီဘူး ၃ ဘူး
ဆား၊ ငံပြာရည် သင့်ရုံ
ဆူးပုတ်ရွက်နု ၁ စည်း
ဆီ ၂ ကျပ်ခွဲသား
ကြက်သွန်နီ ၂ ဥ
ပဲကြီးနို့ဆီဘူး ၃ ဘူကို ရေစင်ကြယ်စွာဆေးပြီး တစ်ညရေစိမ်ထားပါ။ ရေနွေးနှင့်စိမ်ထားလျှင် အပွမြန်ပါသည်။
နောက်နေ့ အခွံချွတ်ပါ။ ဒယ်အိုးတွင် ပါးပါးလှီးထားသော ကြက်သွန်နီနွမ်းရုံ ဆီသတ်ပါ။ ဆား၊ ငံပြာရည် သင့်ရုံထည့်ပါ။ စားခါနီး ဆူးပုတ်ရွက်ခပ်ပါ။
၂။ ပဲစင်းငုံ
ပဲစင်းငုံ ၂၀ ကျပ်သား
ဆား၊ ငံပြာရည် သင့်ရုံ
ဆီ ၂ ကျပ်ခွဲသား
ချင်း လက်တစ်ဆစ်
ကြက်သွန်နီ ၃ ဥ
ပဲစင်းငုံချက်လိုလျှင် အခွံနှင့်အမှိုက်သရိုက်များကင်းစင်အောင် ဆန်ခါနှင့်ပြာပြီး ရေစင်အောင်ဆေးပါ။ ရေတစ်နာရီခန့် စိမ်ထားပါ။
ကြက်သွန်နီဥကြီး ၁ ဥနှင့် အဖြူ ၁ ဥ၊ ချင်းတို့ ညက်အောင်ထောင်းထားပါ။
ရေစိမ်ထားသောပဲများကို အိုးတစ်လုံးတွင်ထည့်၍ နူးအောင်ပြုတ်ထားပါ။ ပဲများနူးလျှင် အသင့်ထောင်းထားသော ကြက်သွန်၊ ချင်းတို့ထည့်၍ ဆီသတ်ပါ။ အနံ့မွှေးလာလျှင် ပဲများကိုထည့်၍ မွှေပါ။ ပဲပြုတ်များကို အရည်ပါလောင်းထည့်ပြီးချက်ပါ။
