Vitamin B သည် လူတိုင်းအတွက် မရှိမဖြစ်လိုအပ်သော ဗီတာမင်တစ်မျိုးဖြစ်ပါတယ်။ ဗီတာမင် B သည် ရေတွင်ပျော်၀င်သော ဗီတာမင်အုပ်စုထဲမှ တစ်မျိုးအပါအ၀င်ဖြစ်ပြီး B Complexဟုလည်း လူသိများကြပါတယ်။ ဗီတာမင် B အုပ်စုသည် အစားအစာမှ လောင်စာအဖြစ်သို့ ပြောင်းလဲပေးပြီး ခန္ဓာကိုယ်အတွက် စွမ်းအင်ထုတ်လုပ်ပေးခြင်းမှာ အရေးပါ အရာရောက်တဲ့ ဗီတာမင်များဖြစ်ပါတယ်။
ဗီတာမင် B Complex မှာ Vit: B1, B2, B3, B5, B6, B7, B9 နှင့် B12 တို့ပါ၀င်ပါတယ်။
Vitamin B1 (Thiamine)
- ပဲ၊ နို့နှင့် နို့ထွက်ပစ္စည်းများ၊ တူနာငါး၊ ထမင်း၊ ပေါင်မုန့်နှင့် cerealsတို့မှ ရရှိနိုင်ပါတယ်။
- အစားအစာမှ လောင်စာအဖြစ်သို့ ပြောင်းလဲပေးပြီး စွမ်းအင်ထုတ်လုပ်ပေးခြင်းမှာ ကူညီပေးပါတယ်။ ကိုယ်ခံအားစနစ်ကို ပို၍ကောင်းစေပါတယ်။
- ခန္ဓာကိုယ်ကြီးထွားဖွံဖြိုးမှုနှင့် ဆဲလ်၏ လုပ်ငန်းဆောင်တာများတွင် ပါ၀င်ကူညီပေးပါတယ်။ ဗီတာမင် B1ချို့တဲ့ခြင်းကြောင့် ဖြစ်သော Beri Beri ရောဂါမှလည်း ကာကွယ်ပေးပါတယ်။
Vitamin B2 (Riboflavin)
- ကြက်ဥ၊ ကြက်သား၊ အမဲအသည်း၊ ဒိန်ချဥ်၊ ချိစ်၊ မှို၊ ပဲပင်ပေါက်၊ ပန်းဂေါ်ဖီစိမ်း၊ ထမင်း၊ ပေါင်မုန့် စသည်တို့မှ ရရှိနိုင်ပါတယ်။
- သွေးနီဥထုတ်လုပ်ရာတွင် ကူညီပေးပြီး သွေးအားနည်းခြင်းမှ ကာကွယ်ပေးပါတယ်။ အစားအစာမှ လောင်စာအဖြစ်သို့ပြောင်းလဲပြီးစွမ်းအင်ထုတ်လုပ်ရာမှာ ကူညီပေးပါတယ်။
Vitamin B3 (Niacin)
- အသား၊ ငါး၊ ပဲ၊ နေကြာစေ့၊ ဖရုံစေ့ကဲ့သို့သော အစေ့အဆံများ၊ ဂျုံ၊ ထမင်း၊ ပေါင်မုန့် နှင့် cereals စသည်တို့မှ ရရှိနိုင်ပါတယ်။
- DNA ထုတ်လုပ်မှုတွင်အရေးပါခြင်း၊ သွေးတွင်း Cholesterol (ကိုလက်စ်ထရော) Level ကို လျှော့ချပေးသည့် အပြင် အရေပြားကျန်းမာအတွက်ကိုပါ အထောက်အကူပြုစေပါတယ်။
Vitamin B5 (Pantothenic Acid)
- ပဲ၊ နို့နှင့် နို့ထွက်ပစ္စည်းများ၊ ကြက်ဥ၊ အသား၊ ငါး၊ အစေ့အဆံများ၊ မှို၊ ခရမ်းချဥ်သီး၊ အာလူး၊ ဂေါ်ဖီထုပ်၊ အုတ်၊ ဂျုံ၊ ထမင်း စသည်တို့မှ ရရှိနိုင်ပါတယ်။
- မျက်လုံး၊ ဆံပင်နှင့် အရေပြားကျန်းမာရေးအတွက် အထောက်အကူပြုခြင်း၊ ဦးနှောက်နှင့် အာရုံကြော စနစ်များကို အထောက်အကူပြုစေခြင်း တို့ကို ပြုလုပ်ပေးပါတယ်။
Vitamin B6 (Pyridoxine)
- နေကြာစေ့၊ ကြက်ဥ၊ ဂျုံ၊ အသား၊ ငါး၊ ပြောင်းဖူး၊ ဖရဲသီး စသည်တို့မှ ရရှိနိုင်ပါတယ်။
- သွေးနီဥထုတ်လုပ်ရာတွင် ကူညီပေးပြီး သွေးအားနည်းခြင်းမှ ကာကွယ်ပေးပါတယ်။ ခုခံအားစနစ်ကို ပိုမိုကောင်းမွန်စေပါတယ်။ ဦးနှောက်နှင့် အာရုံကြောစနစ်ကို ကောင်းမွန်စေပါတယ်။
Vitamin B7 (Biotin)
- အသား၊ အသည်း၊ မြေပဲ၊ ကြက်ဥ၊ ဒိန်ချဥ်၊ နွားနို့၊ ခရမ်းချဥ်သီး၊ ပဲပုပ် စသည်တို့မှ ရရှိနိုင်ပါတယ်။
- လက်သည်း၊ ခြေသည်း၊ ဆံပင်နှင့် အရေပြား ကျန်းမာရေးအတွက် အဓိကအထောက်အကူပြုပါတယ်။
Vitamin B9 (Folic Acid)
- အသား၊ငါး၊ အမဲအသည်း၊ ပဲနီလေး၊ ပန်းဂေါ်ဖီစိမ်း၊ ကညွတ်၊ ရုံးပတီသီး၊ လိမ္မော်သီး၊ ငှက်ပျောသီး စသည်တို့မှ ရရှိနိုင်ပါတယ်။
- DNA/RNA ထုတ်လုပ်မှုများတွင် အရေးပါခြင်း၊ သွေးနီဥထုတ်လုပ်ရေးတွင် ကူညီပေးပြီး သွေးအားနည်း ခြင်းမှ ကာကွယ်ပေးခြင်း၊ ခန္ဓာကိုယ်ရှိ ဆဲလ်နှင့် တစ်သျှူးများ၏ ဖွံဖြိုးမှုနှင့် လုပ်ငန်းဆောင်တာ များတွင် ပါ၀င်ကူညီပေးပါတယ်။ ကိုယ်၀န်ဆောင် မိခင်များနှင့် သန္ဓေသား ကျန်းမာဖွံဖြိုးမှုအတွက် အထောက်အကူပြုစေပါတယ်။
Vitamin B12 (Cobalamin)
- နို့နှင့် နို့ထွက်ပစ္စည်းများ၊ ကြက်ဥ၊ ကြက်သား၊ ငါး၊ အမဲသား စသည်တို့မှ ရရှိနိုင်ပါတယ်။
- B12ဟာ သွေးနီဥထုတ်လုပ်ရာမှာ ကူညီပေးပြီး သွေးအားနည်းခြင်းမှ ကာကွယ်ပေးပါတယ်။ ဦးနှောက်နှင့် အာရုံကြော စနစ်ကို ပိုမိုကောင်းမွန်စေပြီး
ခုခံအားစနစ်ကိုလည်း မြှင့်တင်ပေးပါတယ်။
- သွေးအားနည်းခြင်း
- ပင်ပန်းနွမ်းနယ်ခြင်း
- နှလုံးခုန်မမှန်ခြင်း
- အာရုံကြောများ ထုံခြင်း၊ နာခြင်း
- ခြေလက်များ ထုံကျဥ်ခြင်း
- မှတ်ဥာဏ်ချို့ယွင်းခြင်း
- စိတ်ဖိစီးမှုများခြင်း၊ စိတ်ဓာတ်ကျခြင်း တို့ကို ဖြစ်ပေါ်စေနိုင်ပါတယ်။
တစ်နေ့တာ လိုအပ်တဲ့ ဗီတာမင် Bဓာတ်များကို နေ့စဥ် စားသုံးနေတဲ့ အစားအစာများမှ ရယူခြင်းသည် လုံလောက်သလို အကောင်းဆုံးလည်းဖြစ်ပါတယ်။ အကယ်၍ မိမ်ိသည် အထက်ဖော်ပြပါ ဗီတာမင် B ချို့တဲ့ခြင်း ရောဂါလက္ခဏာများ ခံစားနေရသူ၊ အစာအုပ်စု ညီမျှစွာမစားသူ၊ သတ်သတ်လွတ် သမားများနှင့် ကိုယ်၀န်ဆောင်သည်များ ဖြစ်ခဲ့လျှင် ဗီတာမင် B ဖြည့်စွက်ဆေးများကို ဆရာ၀န်နှင့် တိုင်ပင် သောက်သုံးသင့်ပါတယ်။
#credit to original uploader
