လူအများစုက အစားအစာကိုပဲ အလေးထားကြတယ်
ဒါပေမဲ့ “ရေ” ဆိုတာ ခန္ဓာကိုယ်ရဲ့ စနစ်တိုင်းအတွက် အခြေခံအကျဆုံးဆိုတာ မေ့နေတတ်ကြပါတယ်။
(လက္ခဏာ တော်တော်များများကို ကိစ္စသေးသေးလေးလို့ ထင်တတ်ကြပေမဲ့ တကယ်တော့ ခန္ဓာကိုယ်တစ်ခုလုံးရဲ့ စနစ်ကို ထိခိုက်စေနိုင်ပါတယ်)
တစ်နေ့တာမှာ ရေလုံလောက်အောင် မသောက်ရုံနဲ့တင် — ဆိုးကျိုးတွေက သတိမထားမိဘဲ တိတ်တဆိတ် စတင်လာနိုင်ပါတယ်။
ရေဓာတ်ခမ်းခြောက်ခြင်း (Dehydration) ရဲ့ လက္ခဏာများ
၁။ ဦးနှောက်မကြည်လင်
ခြင်း၊ မြန်မြန်မောခြင်း၊ စိတ်ခံစားချက် မတည်ငြိမ်ခြင်း
• ရေက သွေးတွေကို ဦးနှောက်ဆီ ရောက်အောင် ကူညီပေးပါတယ်။
• ရေဓာတ်ခမ်းခြောက်ရင် → အာရုံစူးစိုက်မှု လျော့နည်းမယ်၊ မှတ်ဉာဏ်ညံ့လာမယ်၊ ခေါင်းကိုက်လွယ်မယ်၊ စိတ်တိုလွယ်တာတွေ ဖြစ်လာတာပါ။
သုတေသနပြုချက်များအရ –
ခန္ဓာကိုယ်အလေးချိန်ရဲ့ ၁-၂% ခန့် ရေဓာတ်လျော့နည်းသွားတာနဲ့တင် ဦးနှောက်ရဲ့ စွမ်းဆောင်ရည် သိသိသာသာ ကျဆင်းသွားတတ်ပါတယ်။
၂။ ဝမ်းချုပ်ခြင်း၊ အူလမ်းကြောင်း အလုပ်လုပ်မှု နှေးကွေးခြင်း
• အူလမ်းကြောင်းက မစင်တွေကို ရွှေ့လျားဖို့ ရေကို အသုံးပြုရပါတယ်။
• ရေသောက်နည်းရင် → ဝမ်းမာမယ် → နာတာရှည် ဝမ်းချုပ်တာတွေ ဖြစ်လာမယ်။
အစာခြေစနစ်ဆိုင်ရာ သုတေသနများက အတည်ပြုထားတာက –
ရေပိုသောက်ပေးခြင်းဟာ ဆေးသောက်စရာမလိုဘဲ ဝမ်းချုပ်တဲ့ဝေဒနာကို တကယ်သက်သာစေပါတယ်။
၃။ အသားအရေ ခြောက်သွေ့ခြင်း၊ ညှိုးနွမ်းခြင်း၊ မြန်မြန်အိုစာလာခြင်း
• အရေပြားရဲ့ အဓိက အစိတ်အပိုင်းဟာ ရေဖြစ်ပါတယ်။
• ရေဓာတ်ခမ်းခြောက်ရင် → ကော်လာဂျင် (Collagen) အလုပ်လုပ်မှု အားနည်းလာမယ်။
• အရေပြား တင်းရင်းမှု လျော့နည်းပြီး အရေပြား တွန့်တာ၊ ညှိုးတာတွေ ဖြစ်လာနိုင်ပါတယ်။
အရေပြားဆိုင်ရာ သုတေသနများအရ –
ရေပိုသောက်ပေးခြင်းက ရက်သတ္တပတ် အနည်းငယ်အတွင်းမှာတင် အရေပြားကို စိုပြေတင်းရင်းလာစေပါတယ်။
၄။ ဆီးအရောင်ရင့်ခြင်း၊ ကျောက်ကပ်မှာ အနယ်ထိုင်ပြီး ကျောက်တည်နိုင်ခြင်း
• ကျောက်ကပ်က အညစ်အကြေးတွေကို စွန့်ထုတ်ဖို့ ရေကို အသုံးပြုရပါတယ်။
• ရေသောက်နည်းရင် → အညစ်အကြေးတွေ ပြင်းအားများလာမယ် → ကျောက်ကပ်မှာ ကျောက်တည်ဖို့ အန္တရာယ်ရှိလာမယ်။
ကျောက်ကပ်ရောဂါဆိုင်ရာ သုတေသနများအရ –
ရေသောက်နည်းသူတွေဟာ ရေလုံလောက်အောင် သောက်သူတွေထက် ကျောက်ကပ်ကျောက်တည်နိုင်ခြေ ပိုများပါတယ်။
၅။ သွေးပစ်ခြင်း၊ သွေးလှည့်ပတ်မှု မကောင်းခြင်း
• ရေဟာ သွေးထဲက ပလာစမာ (Plasma) ရဲ့ အရေးကြီးတဲ့ အစိတ်အပိုင်း ဖြစ်ပါတယ်။
• ရေဓာတ်ခမ်းခြောက်ရင် → သွေးခဲ/သွေးပစ်လာမယ် → နှလုံးက ပိုပြီး အလုပ်လုပ်ရမယ်။
နှလုံးဆိုင်ရာ သုတေသနများအရ –
ရေဓာတ်ခမ်းခြောက်ခြင်းဟာ နှလုံးနဲ့ သွေးကြောဆိုင်ရာ ရောဂါဖြစ်နိုင်ခြေနဲ့ ဆက်စပ်နေပါတယ်။
မှတ်ရလွယ်အောင် အတိုချုပ်ပြောရရင်…
ရေဆိုတာ ရေငတ်ပြေဖို့ သက်သက်မဟုတ်ပါဘူး၊ သူက –
• ဦးနှောက်အတွက် လောင်စာ
• အူလမ်းကြောင်းအတွက် ချောဆီ
• အရေပြားအတွက် အကာအကွယ်
• ကျောက်ကပ်အတွက် အဆိပ်ထုတ်ပေးသူ
• သွေးလှည့်ပတ်မှုကို ကောင်းမွန်စေသူ ဖြစ်ပါတယ်။
သုတေသနများမှ အကြံပြုချက်
• ရေကို တစ်ခါတည်း အများကြီးသောက်တာထက် တစ်နေ့တာလုံး ခဏခဏ စုပ်သောက်ပေးတာ ပိုကောင်းပါတယ်။
• ဆီးအရောင် က အလွယ်ဆုံး တိုင်းတာနည်းပါ။ (အဝါနုရောင်ဖြစ်နေရင် အဆင်ပြေပါတယ်)
• ”ရေငတ်တာ” ကို မစောင့်ပါနဲ့။ ရေငတ်ပြီဆိုကတည်းက သင့်ခန္ဓာကိုယ်မှာ ရေဓာတ်စတင်ခမ်းခြောက်နေပါပြီ။
#credit
