သိုင်းရွိုက်ဆိုတာ ခန္ဓာကိုယ်ရဲ့ဂလင်းများစုဝေးရာဗဟိုချက်ဖြစ်ပြီး၊ ဟိုမုန်းများထုတ်ပေးပါတယ်။ ဒါကြောင့် ခန္ဓာကိုယ်ကြီး တစ်ခု လုံး ဇီ၀ကမ္မလုပ်ဆောင်ချက်က ၄င်းသိုင်းရွိုက်ကျန်းမာရေးပေါ် မူတည်နေပါတယ်။
ဟိုမုန်းပြဿနာကြောင့် သိုင်းရွိုက်ရောဂါဖြစ်လာရပါတယ်။ ရှိသင့်တဲ့ ဟိုမုန်းထက် နည်းနေခြင်း (သို့) များနေခြင်းတို့ကြောင့် ဟိုက်ပါသိုင်းရွိုက် (သို့) ဟိုက်ပိုသိုင်းရွိုက်တွေ ဖြစ်လာရပါတယ်။ အကယ်၍ လက်ရှိအခြေအနေမှာ ဟိုက်ပိုသိုင်းရွိုက်ဖြစ်နေပေမယ့် နောင် ၆ လ ကြာတဲ့အခါမှာ ဟိုက်ပါ အဖြစ်သို့ သူ့အလိုလိုပြောင်းလဲတတ်တာကြောင့်လည်း သိုင်းရွိုက်ဝေဒနာသည်တွေအနေဖြင့် ၆ လ တစ်ကြိမ် မှန်မှန် ဆေးစစ်သင့်ပါတယ်။
အမျိုးသမီးများ သိုင်းရွိုက်ဝေဒနာပို၍ ခံစားရတတ်ပါတယ်။ သိုင်းရွိုက်ကြောင့် မျက်စိအတန်ငယ် ပြူးလာတတ်သလို၊ ဆံပင် ကျွတ်ခြင်း၊ ရင်တုန်ခြင်း၊ ချွေးတအားထွက်ခြင်း၊ လေးလံထိုင်း မှိုင်းခြင်း စတဲ့ဝေဒနာတွေကို ခံစားရတတ်ပါတယ်။ အလုပ်ပင်ပန်း လွန်းတဲ့အခါ ရောဂါပို၍ ထတတ်ပါတယ်။ အစာလည်း ဆေး၊ ဆေးလည်း အစာ ဆိုသလို၊ သင့်တင့်လျောက်ပတ်တဲ့ အစား အစာတွေက ရောဂါပျောက်ကင်းအောင် တဖက်တလမ်းမှ ကောင်ကျိုးပြုပေးနိုင်ပါတယ်။
ဆောင်ရန် ရှောင်ရန် အစားအစားလေး တွေကတော့-
အိုင်အိုဒင်း ဆားတစ်မျိုးတည်းကိုသာ စားသင့်ပါတယ်။
မုန်ညင်းစိမ်းရှိ goitrogens ဓာတ်တစ်မျိုးက သိုင်းရွိုက်ဟိုမုန်းထုတ်လုပ်ခြင်းကို ကြီးစွာသော အဟန့်အတားဖြစ်စေတာ ကြောင့် သိုင်းရွိုက်ဝေဒနာသည်များ မုန်ညင်းစိမ်းစားသုံးခြင်းကို အထူးရှောင်ရှားသင့်ပါတယ်။
ဒူးရင်းသီးက သိုင်းရွိုက်၊ လည်ပင်းအကျိတ် ကျန်းမာရေးကို သက်သာကောင်းမွန်လာစေပါတယ်။
ဂေါ်ရခါးသီးထဲမှာ ကော့ပါးဓာတ်အမြောက်အများပါရှိသဖြင့်၊ ဟိုမုန်းထုတ်လုပ်ခြင်း နှင့် စုပ်ယူခြင်းစတဲ့ သိုင်းရွိုက်၏ လုပ်ငန်း ဆောင်တာများကို အထောက်အကူပြုကာ၊ သိုင်းရွိုက်ကိုကျန်းမာစေပါတယ်။
တို့ဟူးထဲမှာ ငါးနှင့် အစေ့အနှံများကဲ့သို့ selenium ဓာတ်ပါရှိပါတယ်။ ၄င်းဓာတ်က သိုင်းရွိုက်အကြိတ်ကို ပုံမှန်ဖြစ်စေ ပါတယ်။ သို့သော် တို့ဟူးကို အလွန်အကျူးစားသုံးတဲ့အခါ တို့ဟူးထဲရှိ isoflavones ဓာတ်က သိုင်းရွိုက်ကို ဘေးဥပါသ်ဖြစ်စေ နိုင်တယ်လို့လည်း ဆေးသုတေသီကျမ်း တချို့မှာဖော်ပြထားပါတယ်။ ဒါကြောင့် စာရေးသူအနေဖြင့် သိုင်းရွိုက်ဝေဒနာသည်တွေ ကို တို့ဟူး စားဖို့မတိုက်တွန်းလိုပါဘူး။
အိုင်အိုဒင်းဓာတ်တို့စုဝေးရာ ကန်စွန်းရွက်ကိုစားပေးခြင်းဖြင့် သိုင်းရွိုက်ဟိုမုန်းများကို မျှခြေဖြစ်ကာ ဟိုက်ပိုသိုင်းရွိုက် အကျိတ်ဂလင်းကိုများစွာ အထောက်အကူ ပြုပေးပါတယ်။
ဟင်းနုနယ်ထဲမှာ oxalates ဓာတ် ပါရှိနေတာ
ကြောင့် သိုင်းရွိုက်ဝေဒနာသည်တွေသာမက၊ ကျောက်ကပ် နှင့် ဂေါက်ရောဂါ ဝေဒနာသည်များလည်း အလွန်အကျွံမစားသင့်ပါဘူး။
ပိန်နဲသီးထဲရှိ ကော့ပါးသတ္တုဓာတ်များက သိုင်းရွိုက်၏ ဇီ၀ကမ္မလုပ်ဆောင်ချက်များကို ကောင်းကျိုးပြုကာ သိုင်းရွိုက်ကို ကျန်းမာစေပါတယ်။
သိုင်းရွိုက်ရောဂါအတွက် ဖျော်ရည်တစ်ခွက်
သိုင်းရွိုက်ကျမ်းမာရေးအတွက် ဗီတာမင်အေ နဲ့ဗီတာမင်ဘီတို့က မရှိမဖြစ်လေးတွေပါ။ ဗီတာမင်အေကြွယ်၀တဲ့ မုန်လာဥနီက ဟို မုန်းတွေထွက်ရှိလာဖို့သိုင်းရွိုက်ကိုလှုံ့ဆော်ပေးသလို၊ ဗီတာမင်ဘီကြွယ်၀တဲ့ သခွားသီးက သိုင်းရွိုက်ဂလင်းတွေကို အာဟာရ ဖြစ်စေပါတယ်။ တရုပ်နံနံပင်က ဟိုမုန်းထွက်ရှိမှုပမာဏကို မျှတစေသောကြောင့် အထူးသဖြင့် အမျိုးသမီးများရာသီမလာခင် သရိုးသရီဖြစ်ခြင်း၊ ရာသီလာစဉ်နာကျင်ကိုက်ခဲခြင်း နဲ့သွေးဆုံးကိုင်ခြင်းဝေဒနာတွေကို သက်သာစေပါတယ်။ အုန်းရည်က ကိုယ်ခံစွမ်းအားကို တိုးတက်ကောင်းမွန်လာစေပါတယ်။
ပါ၀င်မှု (သဘာဝအော်ဂဲနစ်သီးများကိုသာရွေး၀ယ်ပါ)
မုန်လာဥနီ (၁) လုံး
သခွားသီး (၁) လုံး
တရုပ်နံနံပင် (၅) ပင်
အုန်းရည် (၁) ခွက်
သံပုရာသီး (၁) လုံး
မုန်လာဥနီ၊ သခွားသီး နဲ့တရုပ်နံနံပင်တွေကို ရေစင်စင်ဆေးပြီးကြိတ်စက်ဖြင့်ကြိတ်ပါ။ အဲဒီအရောအနှောထဲကို သံပုရာရည် ညှစ်ထဲ့ပါ။ ပြီးရင် အုန်းရေရောထဲ့ပြီး သောက်ရုံပါဘဲ။ သစ်သီးဖျော်ရည်လေးကို တစ်နေ့တစ်ခွက် မှန်မှန်သောက်ရင်း သိုင်းရွိုက် ရောဂါ ပျောက်ကင်းနိုင်ကြောင်းကို Daily Health Tips (ခေါ်) ကျန်းမာရေးဂျာနယ် တစ်ခုမှာ ဖော်ပြထားပါတယ်။
Credit original writter
#health #knowledge #ကျန်းမာရေးဗဟုသုတ #ဗဟုသုတ #Health & Knowledge
